Af - Redaktion
19-04 2009 - 07:17
- Sequnngerlusi angalaninnut ilaagitsi aamma naak oqaatsit paasinngikkaluarlugit, taamaattorli paasissavarsi suna erinarsuutigineriga, ilaatigut Rasmus Lyberth tusarnaartunut nuannisaqisunut taamatut oqarpoq.
Tusarnaartitsinermi erinnat amerlasuut CD-iliannit nutaameersut: Hey, hey, hey-meersut atorneqarput.
Rasmus Lyberthip saniatigut nipilersortut tassaapput Christian Søgaard (nutsugiaq), Michael Hansen (guitari), Jens Holgersen (bas), Hans Rosenberg (tumerparpaat) aamma arnaq erinarsortartoq Sidsel Marie Søholm.
Tusarnaartitsineq tamakkerlugu Rasmus Lyberthip tusarnaartut peqataatippai. Tusarnaartitsinerup nalunaaquttap akunnerinik marlungajannik sivisussuseqartup ingerlanerani arlalippassuariarluni ersaattaattoqartarpoq. Rasmus Lyberthilu erinarsornerminut akunniliullugu oqaluttuaraangat Kalaallit Nunaat pillugu tassanngaanneersunillu imaluunniit Kalaallit Nunaanni aamma Danmarkimi politikikkut pissutsit pillugit oqaaseqaraangat ersaattaalluarneqartarpoq.
Maajimi tusarnaartitsineri Parisimi, Bruxellesimi aamma Luxembourgimi ingerlanneqassapput.
For at kommentere, skal du registrere dig som bruger. Hvis du allerede har f.eks. en Facebook-profil, kan du let komme i gang bare ved at trykke på Facebook-ikonet (1).
Mere vejr
9°C