Af redaktionen
05-10 2009 - 10:57
Avannaanni Ilinniarnertuunngorniarfimmi lektorip Finn Bendixenip ilinniartitsissusiaa pinngortitalerinermi ilinniartitsissutissat immikkut qinikkat 12-it ilagaat.
Ilinniartitsissusiamini arferit sarpiinik assiliiortornermi ilinniartut peqataatinniarpai, taamaalillunilu arferit ilisarnaataannik katersueqataatinniarlugit. Naqiterisitsisarfiup NICHE-p Dansk Naturvidenskabsformidlingillu aningaasaliinerisigut GU-Aasiaat assiliissutinik, qinngutinik gps-inillu, Pinngortitaleriffiup tapersersugaanik suliniuteqarnermi atugassanik pisisimavoq.
Pinngortitalerimut tunngasut pillugit Danmarkimi unamminermi tunngaviusumik ilinniarfinni ilinniarnertuunngorniarfinnilu ilinniartitsisut peqataasarput, pinngortitalerinermik ilinniartitsinermi ilinniartitsissutissanik pitsaanerpaanik pilersitsinissaq anguniarlugu, Naturidenskabsformidlingimeersoq Bjarke Kronborg oqarpoq.
Peqataajumallutik nalunaartut 27-usimapput, taakkunanngalu 12-it, allaaserisat tallimanik quppernillit tunngavigalugit naggataanut peqataasussatut qinerneqarsimapput, suliaallu ilinniartunit, ilinniartitsisunit namminersortunillu naliliiffigineqarumaarlutik.
Pinngortitamik ilinniartitsineq pillugu DM-erneq Dansk Naturvidenskabeligformidlingimit aaqqissuunneqarpoq Ilinniartitaanermullu Ministereqarfimmit ALECTIA-Fondenimiillu aningaasaliiffigineqarluni.
Naggataarnissaq 4. november 2009-mi Odense Congress Centerimi Uddannelsesforumeqarnermi pissaaq, tassanilu pitsaanersiugassat naliliisussanut najuuttunullu saqqummiunneqassapput. Ilinniartitaanermut ministerip Bertel Haarderip aamma anngunniuttut ornissavai akissarsiassanillu tunniussissalluni.
.
For at kommentere, skal du registrere dig som bruger. Hvis du allerede har f.eks. en Facebook-profil, kan du let komme i gang bare ved at trykke på Facebook-ikonet (1).
Mere vejr
9°C