Skip to main content

Aalborgimi kalaallit illuutaat ileqqumik nutaamik atuutsitsilerpoq

Aalborgimi kalaallit illuutaat siullermeerluni juullimut aaqqissuussaq juullimullu niuffatsitsineq ataatsikkoortippaat, aaqqissuussineq iluatsilluarneqarpoq, taamatullu aaqqissuussineq siunissami ileqqunngortinneqarluni atuutsinneqalissaaq.

Decembarip ulluisa aappaat Aalborgimi kalaallit illuutaannut immikkuullarilluinnarpoq, Vor Frue Kirkemi 100-nik peqataaffigineqartumit eqqaaniaasoqarpoq. Tamatuma kingorna 17-inik nerrivilimmik juullimut niuffatsitsisoqarpoq, amminit nioqqutissat, pinnersaatit, sanalukkat, assilissat, nuersakkat eqqumiitsuliallu tuniniagaallutik.

- Arctic Street Lab – inuusuttunut akuutitsinissamut suliniuterput – nerisassanut qamutertik inississimavaat, mamarluinnartumillu suppiliamik karrytalimmik takoyakilimmillu tamanut agguaassillutik, akeqanngitsumik. Tamatuma saniatigut aamma kalaallit kaagiannik agguaanissamut nerriveqarpugut. Ungaluukkami juullimi orpiliarput kalaallit qimmiilu ipput, illuut Sermitsiaq.AG-mut oqaluttuarpoq.

Juullimi orpiliaa ujajaaffigineqarsinnaasoq

Erinarsuutinik juullerpaluttunik erinarsortoqarlunilu juullimi orpiliaq kaavinneqarpoq. Qujanartumillu juullip inua takkuppoq, puussianillu mamartukujunnik immikkanik meeqqanut agguaassilluni.

Aalborgimi juulli decembarip 21-ani naggaserneqassaaq, takkuttut juullimi orpilissamut decembarip tallimaani pinnersaasiarineqarsimasunik "ujajaaffiginnissinnaallutik".

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER