Skip to main content

Akitsuummut nutaamut kommune kisiartaaffeqartoq

Umiarsuarnut takornariartaatinut qanoq akitsuusersuisoqassanersoq kommunit tallimaasut aalajangerpaat.Kommune ataaseq allatut iliorpoq.

Umiarsuarni takornariartaatini angalasunut avatangiisinut aserfallatsaaliinermullu akitsuut, annnerpaamik 50 koruuninut killilerneqartup, annertussusissaa kommunit namminneq aalajangertussaavaat.

Nalunaarsuummi, akileraartarnermut aqutsisoqarfiup Sermitsiaq.AG-mut nassiussaani takuneqarsinnaavoq annerpaamik akitsuusiineq Kommune Qeqertaliup atornianngikkaa.

Kommune Qeqertaliup sumiiffiini aqqaniliusuni tulanneq kisarnerluunniit angalasumut ataatsimut 25 koruuninik akitsuuteqassaaq, angalasut nunamut niorusuppata. Kommunit allat aningaasanik nutaanik pisariaqartunillu takusut akiliutigeqqusaata affaraat.

Kommunenut akitsuut nutaaq, kommunit iluanaarutissaat, sumiiffiit nutarsarnissaannut aserfallatsaalinissaannullu atorneqartussatut inissitaapput.

Isertitanik nalilersuineq

Akitsuut nutaaq pillugu inatsisissatut siunnersuut tusarniaavigineqarmat, angalasumut ataatsimut avatangiisinut aserfallatsaaliinermullu akitsuut 20 koruunimut inissinneqarpat, kommunip ataatsimut isigalugu 5 millionit koruunit missiliorlugit iluanaarutigissagai, Namminersorlutik Oqartussat nalilerpaat.

Marloriaat sinneraanni  – 20-miit 50 koruunimut- inatsisissatut siunnersuummut siullermut sanilliullugu kommunip isertitassai qaffariarujussuassapput. Isertitassalli annertussusaat nalorninartoqangaatsiarpoq, 2024-mimi umiarsuit takornariartaatit angalasullu qassit nunatsinnut tikissanersut ilisimaneqanngilaq.

Kommuninut iluanaarutaasussap akitsuutip saniatigut, Namminersorlutik Oqartussat angalasunut akitsuummik 50 koruunimik atuutsitsilerput, 2024-milu nunatta karsianut saniatigut 5 millionit koruuniik iluanaarutaassasut naatsorsuutigineqarpoq.

Umiarsuit takornariartaatit pillugit inatsisini ataqatigiissuni, umiarsuit annerpaat 300.000-t sinnerlugit bruttotonsillit, umiarsualivimmut akitsuummik marloriaammik akiliissapput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER