Skip to main content

Angusaq: Kalaallit Nunaanni tamanut flatrate

Atuisuuffimmik flatratemik Kalaallit Nunaanni tamanut Tusass Internet tunniussisinnaalerpoq, taamaalillunilu ukiuni kingullerni aningaasaliisoqarujussuartoqareernerata kingorna anguniagaq annertooq anguneqarpoq.

Qaanaami, Savissivimmi Siorapalummilu inuttaasut ullumikkuminngaanniit atuisuuffimmik flatratemik, aalajangersimasumik akeqartumik aamma pisaarsinnaanngorput, taamaasillutik internetimut qaavatigut annertunerusumik akiligassitsittarunnaassallutik.

Kalaallit Nunaanni tamanut flatratep neqeroorutigisinnaalinnginnerani, Tusass qaammataasanut attavinnik sanaartortariaqarsimavoq.

- Qaammataasaq ilusilersorneqaqqaarsimavoq, sananeqarluni avataarsuanullu aallartinneqarluni. Taava Kalaallit Nunaanni tigooraavinnik qaammataasat signaliinik nalunaarsuutinillu tigooraasinnaasunik sanaartortoqarsimavoq, tusagassiuutinut nalunaarummi Tusass paasissutissiivoq.

Tusassimi tuniniaanermut pisortaq, Nikolaj Christoffersen oqaaseqarpoq:

Pisariinnerpaaq naatsorsuutaasinnaasorlu

- Tusassimi atuisuuffik flatrate iluaqutigalugu, Tusassip kissaatigaa pisariinnerpaamik naatsorsuutaasinnaasumillu Tusassimi atuisuusinnaaneq. Qaammatit tamaasa aalajangersimasumik akiliisarnermi, aningaasartuutinik naatsorsuutigisimanngisanik atuisunut takkuttoqartassanngilaq. Atuisut decembarimi januarimilu annertuumik akiligassinneqannginnissaat anguniarparput, piffissamimi tassani qiianaqisumi taartumilu, aningaasat juullimut misigisassanullu nuannersunut atorneqartussaapput. Neriuutigaarput nutaarsiassaq tamanna, Tusassillu internetia nutaaq atuisunut, nunarsuarmi avannarpasinnerpaami najugalinnut kissalaartumik tiguneqarumaartoq.

Nioqqutissaq flatrate innuttaasunut neqeroorutigisinnaajumallugu, qaammataasamik sananermut suliaq 2021-mi aallartinneqarpoq, Spaniamiut Hispasat qaammataasanik ingerlatsisut tassani kalaallit innuttaasut sullillugit qaammataasaq ilusilersorlugu aallartimmassuk.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER