Skip to main content

Juullimut ikiuiniarneq tapersersorneqarluartoq

Nunatsinni illoqarfiit pingaarnersaanni pissakilliortunut juullisiutissanik tunissuteqarniarluni katersuiniarnermut suliffeqarfiit arlalissuit aningaasaleeqataapput.

Nuummi angajoqqaat kisimiittut ilaqutariillu meerartallit 200-nit ikinnerunngitsut aningaasatigut inissisimanerliortut rugsinimut pisiniutissaminnik 1.000 koruunit nalinganut pisissutissarsinissartik naatsorsuutigisinnaavaat .

Decemberip arfernga tikillugu aningaasat 2019.800 koruunit katersorneqarsimapput, katersuiniarnermut aallarniisoq Jackie Lyng Facebookimini taamak ilisimatitsivoq.

- Juulli qanilliartorpoq, qularutissaanngilarlu ukioq manna ilaqutariit arlaqarnerusut sapinngisamik juulli nuannersooqqullugu juullisiutissaminnik taperneqarnissaminnut pisariaqartitsisut, Jackie Lyng, ilaatigut Nuuk City Investimi aammalu Hotel Nuuk kiisalu vandrehuset.com.-imi pisortaasoq.

Ukioq manna immikkut ittumik iliuuseqarneq

- Juulli aamma tassaavoq periarfissaqaraanni inoqatinut ikiuineq, taamaammat toqqarnikuuara ukioq manna immikkut ittumik annertuumik iliuuseqarnikkut aningaasanik katersuiniarlunga, aningaasallu taakku nalingi angajoqqaanut kisimiittunut ilaqutariinnullu pissakilliortunut angerlarsimaffeqanngitsunullu tunniussassatut eqqarsaataapput, taanna ilisimatitsivoq.

- Isumaqaruit/isumaqarussi ikiorneqarnissamik pisariaqartitsisunut ilaallusi, taava emailinnut allassinnaavusi jackielyng@outlook.dk, taanna nassuiaavoq.

Pilersaarut tassaavoq Brugsinimut pisussutissanik agguaassinissaq, meeraq ataaseq imaluunniit angerlarsimaffeqanngitsoq ataaseq 1.000 koruunit nalinganut Brugsinimut pisiniutissamik tunineqarsinnaapput. Jackie Lyng erseqqissaavoq pisissutissat imigassanut aalakoornartunut, tupanut lottonulluunniit atorneqarsinnaassanngitsut.

Tapiisussat amerlanerit pissariariniarneqarput

Katersuiniarneq naammassineqassaaq ataasinngorpat ullup qeqqanut, taamaammat Nuummi suliffeqarfiit suliniummut tapiinissaminnut suli periarfissaqarput, suliniummi taamaallaat pineqarput Nuummi innuttaasut taperneqarnissaminnik pisariaqartitsisut. Suliffeqarfiugaanni inuttulluunniit ataasiakkaajugaanni, suliniut siunertarissaartoq peqataaffigerusukkaanni tapiisoqarsinnaavoq, taamaaliorniaraannilu Jackie Lyng attavigineqassaaq mailiatigut imaluunniit sianerfigalugu: jackielyng@outlook.dk imaluunniit 553201-mut sianerluni.

Ilisimatitsissutigineqarpoq pisissutissanik agguaassinissaq piumaartoq 15. december, inuillu pisissutissamik pissarsisussatut toqqakkat mailikkut ilisimatinneqarumaartut ilanngullugu ilisimatitsissutigineqarpoq.

Tapersersuisut nalunaarsorsimaffiat Jackie Lyng-ip Facebookiani takuneqarsinnaapput. 

 

 

Akiliisitsiniutit assigiinngitsut pillugit kukkusoqarsimaneranik paasissutissiineq

Kukkussuteqartoqarneratigut qaammatini, novembari aamma decembari 2023-mi akiliisitsiniutit, PBS aqqutigalugu akiliisitsiniutigineqaqqipput.

Kukkussut aaqqinneqarnissaa...

DMI-p Tasiilami piterarnissaa aarlerusaarutigaa

DMI-p aarlerisaarutaa, Tasiilami piteraq kategori 1-iusoq unnugu nal. 20.00-miit aqagu ullaakkut nal. 09.00-ip tungaanut atuutissaaq. Piteraq anorip sukkassusaa 15-20 m/s-inik...

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER