Skip to main content

Kalaallit illuutaanni Københavnimiittumi juullimut pikineq

Københavnimi kalaallit illuutaanni juullimut piareersarluni pisorpassuaqarlunilu pisussarpassuaqarpoq.

Kalaallit illuutaat Københavnimiittoq piffissami aggertumi juullimut tunngasunik  aaqqissuussarpassuaqarpoq.

Peqatigiiffik Pilutaq jullimut tunngatillugu bankortitsissaaq sisamanngorneq 7. december, qularnanngitsumillu eqquisut suaallattaassapput peqataasullu aliikkusersoqatigiillutik.

Juullerpaluttumik niuffatsitsineq ukiumoortumik pisartoq arfininngornermi 9. december aamma sapaammi 10. december ingerlanneqassaaq. Niuffatsitsinermi tuniniaasussatut nalunaarsimasut 40-pput, peqatigiiffik Nanu børn kaffinik kagenillu tuniniaassaaq, Juulleriartorneranilu juullerpaluttumik anersaaqarsimaarneq illumi teqeqqut tamakkeriartuaartutut issagaat Kalaallit illuutaat Sermitsiaq.AG-mut ilisimatitsivoq.

Anersaap illernartup oqaluffia (Helligåndskirken)

Arfininngorneq 9. december Anersaap illernartup oqaluffiani nunat atlantikup avannaamiut aaqqissugaannik 25-issaanik juullerpalaartumik tusarnaartitsisoqassaaq. Erinarsoqatigiit tallimat tusanaarneqarsinnaassapput tassaasut, Húsakorid/Færøerne, Dóttir/Island, Eyja – det islandske kvindekor, Staka/Island og Aavaat/Kalaallit Nunaat.

Erinarsoqatigiinni taakkunani tallimaasuni ataatsimoorussaavoq erinarsoqataasartut tamarmik Danmarkimi najugaqaramik. Isernermi akiliutit tamarmik erinarsoqatigiit avissavaat. 

Ullukinneq pissaaq pingasunngorneq 21. december nalliussineqassaaq juullimut nereqatigiinnertalimmik, tassani peqataassapput Pooq-mik, Takaannamik aammalu Ilimmik atuisut. Aaqqissuussaq taanna isumaginninnermut tunngatinneqartoq kalaallit illuutaata aaqissugaraa Københavnip kommunianit tapersersorneqartumik.

Decemberimi aaqqissuussat naammassineqassapput 28. december, tassani Pilutaq orpiliartitsissaaq inersimasunut meeqqanullu.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER