Skip to main content

Neriniartarfimmut tillinniartunik ilisimannittunik ujartuisut

Tallimanngornerup unnuaani neriniartarfimmut Nuup illoqarfiata immikkoortuani Qinngorpumi kiisalu kulturip illorsuanut Katuamut tillinniartoqarpoq.

Nuummi unnuap ingerlanerani tillinniartoqarneranik marlunnik politiit nalunaarfigineqarput. Suliani marluusuni ilisimannittunik ujartuisoqarpoq.

Nalunaarut siulleq 03.20 neriniartarfimmi Sunset Boulevardimi Qinngorpumi pivoq, tassani tillinniat neriniartarfimmut isersimapput, pigaartut pisortaat Preben Kleist, Sermitsiaq.AG-mut oqaluttuarpoq.

Kinguninngua 03.45 Kulturip Illorsuani Katuami Nuup qeqqani tillinniartoqarneranik imaluunniit tillinniariartoqarneranik nalunaaruteqartoqarpoq.

Sapaatip-akunnerani matumani aappassaa

Tigusarinnittoqanngilaq, politiillu sunik imaluunniit qanoq annertutigisumik tillittoqarsimaneranik paasissutissanik suli pissarsinngillat.

- Ilisimannittoqarpat politiinut attaveqarsinnaapput, Preben Kleist oqarpoq. Politiit 70 14 48-mut attaveqarfigineqarsinnaapput.

Sapaatip-akunnerani matumani Nuummi aappassaanik tillinniartoqarneranik politiit nalunaarfigineqarput. Pingasunngornerup unnuaani politiit aamma Nuummi pisiniarfinnut pingasunut ornigupput, taakku tamarmik tillinniarfigineqarsimapput.

Akiliisitsiniutit assigiinngitsut pillugit kukkusoqarsimaneranik paasissutissiineq

Kukkussuteqartoqarneratigut qaammatini, novembari aamma decembari 2023-mi akiliisitsiniutit, PBS aqqutigalugu akiliisitsiniutigineqaqqipput.

Kukkussut aaqqinneqarnissaa...

DMI-p Tasiilami piterarnissaa aarlerusaarutigaa

DMI-p aarlerisaarutaa, Tasiilami piteraq kategori 1-iusoq unnugu nal. 20.00-miit aqagu ullaakkut nal. 09.00-ip tungaanut atuutissaaq. Piteraq anorip sukkassusaa 15-20 m/s-inik...

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER