Skip to main content

Nordic Baltic Cup 2023: Angutit nunanut allanut unammisartut kissasserlutik unammigamik 6-1-mik ajugaapput

Angutit futsalimi nunanut allanut unammisartut kissasserlutik sapaammi Hjørring Futsal Club naapippaat. Angutit kissassimaarluaavissimarpasipput Nordic Baltic Cup-ip aallartinnissaanut, tassami kissassernerminni 6-1-mik ajugaapput.

Arnat assammik arsarlutik nunanut allanut unammisartut VM-imi tamatumalu kingorna  Presidents Cup-imi unammisaqattaarnerat naammassiliivittorlu angutit futsalimi nunanut allanut unammisartut kissassileruttorput Nordic Baltic Cup 2023-mi peqataanissaminnut, unammisaqattaarnerillu marlunngorpat Hjørringimi aallartissapput.

Angutit futsalimi nunanut allanut unammisartut kissassernerminnut atatillugu sapaammi Hjørring Futsal Club naapippaat ajugaarujussuarpullu 6-1-mik.

Nordic Baltic Cup-imi nunat arfinillit peqataassapput, tassani pingasut nunat avannarliit sinnerlugit peqataassapput Kalaallit Nunaat, Danmark aamma Norge Baltikumilu sinnerlugu peqataassapput Estland, Letland aamma Litauen.

Unammisussat gruppinut marlunnut avinneqarsimapput, taakkulu tassaapput gruppe 1, tassaniippullu Danmark, Kalaallit Nunaat aamma Norge, Gruppe 2 tassaniippullu Estland, Letland aamma Litauen.

  • Marlunngorneq 12. december Kalaallit Nunaat Danmarkilu unammissapput aamma Estland Litauenilu unammissallutik.
  • Pingasunngorneq 13. december Kalaallit Nunaat Norgelu unammissapput aamma Letland Estlandilu unammissallutik.
  • Sisamanngorneq 14. december Litauen Letlandilu unammissapput aamma Danmark Norgelu unammissallutik.
  • Arfininngorneq 16. aamma sapaat 17. inissinniulluni unammisaqattaartoqassaaq ajugaaniutivittoqarlunilu.

Angutit KAK-p Facebookiatigut malinnaaffigisinnaavatit, uanilu tigulaakkatsinni takutippaat sapaammi Hjørring Futsal Clubimut kissallerlutik unammereerlutik ajugaanertik ersersikkaat.

 

 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER