Skip to main content

Paraguayimut unamminermi naligiinnerusut

Kalaallit Nunaat inissinniunnermi pingasunngorpat Iran unammisussanngorpaat. Paraguayimi unamminermi ullumi 21-19-imik ajorsarput.

Kalaallit Nunaat Paraguayimut unamminermi aallartilluaqaat, målinillu marlunnik ingerlaannartumik siuarlutik. Unammineq aallartilluartillugu VM-imi siullermeerlutik pointinnannissaat ilimanarsinnaagaluarpoq.

Minutsit qulit unammereernermi Kalaallit Nunaat 4-2-mik suli siuaqqavoq, arsarnerlu aqullugu.

Unamminerup immikkoortuani siullermi minutsit 15-it ingerlareersimalersut Paraguay 5-4-mik siuarpoq.

Nunanut allanut unammisartut ilaat marloriarluni minutsini marlunni anisitaaqqasarnera Kalaallit Nunaannut målinik naleqarpoq, minutsillu 23-t ingerlareerneranni Paraguay 9-5-imik siuarluni.

Unammineq nunanut allanut unammisartunut ilungersunarneruleraluartoq Kalaallit Nunaat akiuuppoq, Paraguayilu unammillerneqarnermini kukkuluttoqattaarluni.

Unamminerup aappaa siulleq unimmat Paraguay 11-9-mik siuaqqavoq.

Piffissaq kingulleq tikillugu pissanganeq

Unammisut assammik arsarnermi nunarsuarmi pissartanngorniunnermi suli pointinnassimanngillat. Paraguay unillatsiareernermi sukariarpoq, kalaallillu illersuineranni akulloqqussisarluni isertitsisalerluni.

Unammineq aallartilluareersoq Kalaallit Nunaat sukataarnerulerpoq, unammisallu isertitatigut angujartulerlugit.

Unamminerup naammassinissaanut minutsit tallimaannanngortut unammisut naligiilluinnarput, Paraguay 18-17-imik siuaqqalaaginnarluni, kalaallillu illersuinerat sukasimaartuarluni.

Unammineq naammassimmat Paraguay 21-19-imik ajugaavoq. Kalaallit Nunaat assammik arsarluni VM-imi inissinniunnermi nr. 31-nngorniunnermi, Iran pingasunngorpat unammisussanngorpaa.

Ivalu Bjerre unamminermi arsarluarnerpaatut toqqarneqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER