Skip to main content

Pinngitsaaliissutaasumik meeravissianngortitsisarnerit amerlanerujussuat politikerip ernumassuteqarfigai

Danmarkimi 2023-mi meeqqat aatsaat taama amerlatigisut pinngitsaaliissutaasumik meeravissianngortinneqarsimapput, Ankestyrelsenimit nalunaarsuinerit tamanna takutippaat. IA-mit Folketingimut ilaasortap, Aaja Chemnitzip, kalaallit ilaqutariit meerartaat qanoq amerlatigisut taakku akornanniinnersut ernumassutigaa.

OBS. Kommunep aqqa kukkuneqarsimammat naqqinneqarpoq. Allaaserisami allaqqagaluarpoq Norddjurs Kommune pineqartoq - taamaanngilarli, kommunili pineqartoq tassaavoq Nordfyens Kommune.

Danmarkimi angerlarsimaffiup avataanut inissiisarnermik suliassaqarfik sakkortuumik isornartorsiorneqarpoq. Kingullermik Christiansborgimi isummersoqatigiinnermi qulaajaaffiusumi, kommunini sulianik suliarinninnerit Ankestyrelsenimit misissorneqartannginnerat, maannakkullu isumaginninnermut siunnersortiusimasut arlallit Fyens Stiftstidendemut oqaluttuarput, Nordfyens Kommunip sulianik suliarinninnerani ulluinnarni inatsisinik unioqqutitsisoqartarsimasoq. Børnebarometret naapertorlugu, taanna Ankestyrelsenip nammineq ukiumoortumik naatsorsuusiornerani, kommunit suliaq ataaseq allortarlugu kukkusarput.

Naak 2023-mi meeqqat aatsaat taama amerlatigisut pinngitsaaliissutaasumik meeravissianngortinneqarsimagaluartut, aamma Ankestyrelsenip Sermitsiamut ilisimatitsinera naapertorlugu »suminngaanneerneq naapertorlugu nalunaarsuisoqartanngimmat«, taakkunannga qanoq amerlatigisut kalaaliunersut nassuiaasoqarsinnaanngilaq.

Taamak allaaserinnippoq aviisi Sermitsiaq.

Kalaallit meeqqat amerlanerusut inissinneqartartut

Kalaallit meerartaat amerlanerusut angerlarsimaffiup avataanut inissinneqartarput, aamma meeqqat kalaallit qallunaat meerartaannut sanilliullugit tallimariarluni arfineq-marloriarluni amerlanerusut angerlarsimaffiup avataanut inissinneqartarput, taamaattumik IA sinnerlugu Folketingimut ilaasortap Aaja Chemnitzip ernummatigaa, meeqqat kalaallit pinngitsaaliissutaasumik angerlarsimaffiup avataanut inissinneqartartut amerlanerunissaat.

Allaaserisaq tamaat aviisimi Sermitsiami atuaruk.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER