Skip to main content

Politiit: Angut Nuummi nakuusersimasoq aserorterisimasorlu unnerluussaassaaq

Piffissami matumani suliffeqarfiit sulisuisa julefrokostertarfigivaat, tamannali immikkut ittumik politiinut ulapaartitsinngilaq. - Aqqusinermi eqqissiviilliortoqartillugu politiit sukkasuumik ornigullutik eqqqissisitsisarput, taamaattorli angut Nuummi isertitsivimmiitinneqarpoq kingusinnerusukkullu nakuusersimasutut aserorterisimasutullu unnerluutigineqassalluni, Kalaallit Nunaanni Politiit nakkutilliisuutitaasa pisortaat Ole Hald oqaluttuarpoq.

Inuit nalliuttorsiorpalaarlutik nuannaartut juullimut atatillugu nereqatigiissimallutik piffissami matumani aqqusinermi takussaalluarput, taamaattorli taakku immini Kalaallit Nunaanni Politiinut immikkut ittumik ulapaartitsisimanngillat:

- Aqqusinermi inuit amerlanerusut takussaapput, aamma inuit sapaatip akunnerisa naanerini takuneq ajukkagut ilanngullutik takussaapput. Taakkuli immikkut ittumik politiinut ulapaartitsinngillat, taamak oqaluttuarpoq nakkutilliisut pisortaat Ole Hald nangillunilu:

- Aqqusinermi takussaalluarpugut, politiinullu nalunaarutiginnittoqartillugu aqqusinermiittugut sukkasuumik orniguttarput inuillu eqqissiviilliuleraluit pilertortumik eqqisseqqittarput, taamaammat ataatsimut isigalugu pisut naatsorsuutigeriikkatsitut ingerlapput.

Angut isertitsivimmi unnuisinneqartoq

Taamaattorli pisumi ataatsimi politiit angut tigusarisariaqarsimavaat isertitsivimmullu mattuttariaqarsimallugu. Nalunaaqutaq 04:53 politiinut nalunaarutiginnittoqarpoq, politiillu pilertortumik sumiiffimmut pineqartumut apuupput.

Angut nakuusertutut aserorterisutullu nalunaarutigineqartoq politiit isertitsivimmukaappaat sulilu taanna isertitsivimmiitinneqarluni, taamaattorli ullumi kingusinnerusukkut taanna iperagaassaaq, suliarlu malitseqartinneqassaaq angut taanna nakuusersimanermut aserorterisimanermullu unnerluussassagami.

Piffissami aamma matumani tillinniarnerit tillinniariaraluarnerillu pillugit politiinut nalunaarutiginnittoqartarpoq. Taamaattorli tallimanngornerup arfininngornerullu akornanni unnuami tillinniartoqarneranik tillinniariaraluartoqarneranillu nalunaarutiginnittoqarsimanngitsoq Kalaallit Nunanni Politiit nakkutilliisuutitaasa pisortaat Ole Hald paasissutissiivoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER