Skip to main content

Nunat Avannarliit Siunnersuisoqatigiiffiat: Ukiorpassuit naligiinnerunissamik sorsuutiginninneq angusaqarfigineqarsinnaalerpoq

Kalaallit Nunaat Savalimmiullu kiisalu Åland Nunat Avannarliit Siunnersuisoqatigiiffianni naligiinnerusumik inissisimasoqarnissaanik tamaviaaruteqarput. Maanna piumasaqaat naammassiniarneqalerpoq, Lars Christian Brask (LA)-p siunnersuutaa ilalerneqassappat.

Pinerluttoqartarneranik pinaveersaartitsineq: Kalaallit Nunaanni Politiit politikerillu pisortatigoortumik suleqatigiilerput

Siunnersuisoqatigiinnik pisortatigoortumik ingerlanneqartussanik pilersitsisoqaqqammerpoq, tassani Kalaallit Nunaanni Politiit nunatsinnilu qinikkat akisussaasumik inissisimaffillit suleqatigiissapput, siunnersuisoqatigiiffillu taaguuteqartinneqarpoq "Kalaallit Nunaanni nunap immikkoortuini siunnersuisoqatigiit". Suleqatigiit peqatigiillutik pinerluttaalisitsineq sulissutigissavaat, pingasunngornermilu siunnersuisoqatigiit ataatsimeerngaarput.

Pele Brobergimut: Kalaallit Nunaat Folketingimut qinersisarunnaassanngilaq

Folketingimut nunatsinni qinersisarneq Naleqqami siulittaasup taamaatikkusuppaa, isumaqarami nunatsinniit folketingimiititsisarneq Danmarkip pisortatigoortumik nunasiaateqanngitsuusaarneranut kusassaataannaasoq. Folketingimulli qinersinnginnissamut inatsisitigut tunngavissaqanngitsoq, Naalakkersuisoq akissuteqarluni allappoq.

Borgmesterit Naalakkersuisullu: Aaqqissuussaanermut isumalioqatigiissitaq nutaaq pilersinneqassaaq

Sisamanngorneq 22. februar Ilulissani ataatsimiinneq annertooq ingerlanneqarpoq. Tassami nunatsinni borgmesterit Naalakkersuisullu politikkikkut ataqatigiissaarisoqatigiinni ataatsimeeqatigiipput. Ataatsimiinnermi aqutsisuusoq, nunamut namminermut naalakkersuisoq, siunnersuuteqarpoq isumalioqatigiissitamik nutaarluinnarmik pilersitsisoqassasoq, taanna kommunit katitigaanerannik nalilersuissaaq aammalu siunissami innuttaasunut tamatsinnut inuuneq qanoq pisariinnerulersinneqarsinnaanersoq siunnersuuteqassalluni.

Siumup siulittaasua: - Kujallermi Siumoqarfissuaq partiimit annaavarput

Siumup siulittaasuata, Erik Jensenip avaqqutaarinani nassuerutigaa, Kommune Kujallermi partii sinnerlugu qinikkat ataqqisaalluartut marlunnik ilanngaqqimmata annaasaq annertuujusoq.

VM-imut isiginnaariarnermi aningaasat ima amerlatigisut Mimi Karlsenip atorpai

Inatsisartut siulittaasuata Mimi Karlsenip Norgemi Stavangerimi arnat nunanut allanut unammisartut VM-imi unamminerat novembarimi/decembarimi isiginnaariartorlugu Namminersorlutik Oqartussat aningaasaataat 27.000 koruunit sinnerlugit atorpai.

Ilisimatusartoq: Isumannaallisaanikkut pissutsit ajorsiartuinnartut periusissiap nutaap imarisaanut sunniuteqarput

Kalaallit Nunaat eqqissinermik kissaateqarpoq, isumannaallisaanermulli politikkimi periusissiami nutaami erseqqippoq nunarsuarmi Issittumilu isumannaallisaanermut pissutsit ukiuni kingullerni allanngorluinnarsimasut, ilisimatusartoq naliliivoq.

Vivian Motzfeldt (S): Periusissiap siunissamut ungasinnerusumut suleqatigiissutissat eqqanaassavai

Kalaallit Nunaata nunanut allanut, sillimaniarnermut illersornissamullu periusissiassaa nunanit suleqatigisanit utaqqineqarnikuuvoq. Maanna taanna takkuppoq, qularutissaanngilarlu atuaqqissaarneqassasoq aammalu nunatsinnut qanillattornermi atorluarneqarumaartoq.

Namminersorlutik Oqartussat Amerikap Avannaanik suleqateqarnerunissaq pingaartippaat

Namminersorlutik Oqartussat Amerikamut Avannarlermut attaveqarnertik nukittorsarniarpaat, Amerikami Avannarlermi Issittumi Oqallittarfiup pilersinneqarnerani ineriartortinneqarneranilu aamma siuttuussapput. Aammattaaq Kalaallit Nunaat Ottawami sinniisuutitaqarfimmik pilersitserusuppoq.

Kujallermi Siumumi ilaasortat marluk matu matorluppaat

Siulliulluni Margrethe Thaarup Andersen Siumumit anivoq. Maannalu Simon Simonsen aamma Karen Marie Kyed Frederiksen ingerlaannaq atuutilersumik partiimit anissallutik aalajangerput. Kujallermi kommunalbestyrelsimi Siumut sinnerlugu qinikkat arfiniliugaluaramik maanna pingasuinnanngorput.

Inatsisit atuutsinneqarnerannut suliniut: Eqqartuussigaangatta sukannernerput naammappa?

Naalakkersuisut Ilisimatusarfimmi ilisimatusartumik suleqatigiinnissamik isumaqatigiissusiorput, taassumalu Kalaallit Nunaanni massakkut pineqaatissiissutigineqartartut qaffasissusaat uppernartumik misissuinermik uagutsinnut takutitsisussat misissussavai.

Periusissiaq saqqummiunneqartoq: Kalaallit Nunaata illersornissamut isumannaallisaanermullu politikkia imaappoq

Nunanut allanut, isumannaallisaanermut illersornissamullu politikkimut periusissiaq siulleq piareerpoq. Nunatsinni Eqqissinermut Suliniarfimmik taaneqartartumik pilersitsinissaq anguniagaasoq, aamma Pituffimmi pissutsit pillugit allaffissornikkut sulisumik nunarput pilersitsissasoq ilaatigut tassani allassimavoq.