Skip to main content

U18 VM-ertussanngorput - unammisartuni pitsaanerpaaq ajoqusersimasoq

Nunatsinnit assammik arsarlutik nunanut allanut unammiartartut U18-it sapaatip akunnerani unammisaqattaarnerit pissanganarluinnartut peqataaffigereerlugit VM-imut anngupput. Unammisaqattaarnerit naggaserlugit Puerto Ricomut pissanganarluinnartumik unammisoqarpoq.

Nunanut allanut assammik arsarlutik unammisartut U18-it niviarsiartai, Puerto Ricomi unammisaqattaaqqammerput.

Unamminerit marluk aalajangiisuulluinnartussaasimapput, nunatsinnit U18-it VM-imut anngutissappata. Tassa Mexico unamminermini kingullermi ajorsartariaqavissimavoq, kalaallillu unamminermi kingullermi, Puerto Ricomut unamminermi, ajugaasariaqavissimapput. Aammalu taamaalisoqarpoq, TAAK facebookimini allappoq.

Kalaallit Nunaat kingullermik unammigami, Puerto Rico 38-36-imik ajorsartippaa.

TAAK ilisimatitsivoq kalaallit ajugaanerannut unammeriusissap atuinnarnissaanik isumaqatigiissut malinneqarnera, målinilu paarsisup Jaliina Jakobsenip aalajaaalluinnarluni annaassisaqattaarneri pissutaanerpaasimasut.

Unammisartut pitsaanerit ilaat ajoqusertoq

Kalaallit Nunaat unammersuarnermi aallartilluarsimavoq, unamminermili siullermi unammisartut pitsaasut ilaat Aila Bibi K Jørgensen ajoquserami unamminerni peqataaqqissinnaajunnaarsimavoq.

Aila Bibi K. Jørgensen Martiniquemut unamminermini seeqqumigut ajoquserujussuarpoq, qequlertittariaqarsimallunilu.

- Akissarsiassanil agguaasoqarnerani Hannah Petersen MVP-mik akissarsitinneqarpoq tassalu unammersuarnermi arsartuni pingaaruteqarnerpaatut toqqarneqarmat. Tamatuma saniatigut Aila Bibi K. Jørgensen siunissami arsallaqqissussatut ilimagineqarluni aamma akissarsitinneqarpoq, TAAK allappoq.

U18 niviarsiartai august 2024-mi VM-issapput.

 

 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER